Вилоят ҳокими Ўмирзақ Шў­­­­­­­­­­­­­­кеев раислигида ўтган йиғи­лишда республика бюджети маб­­­­­­­­­­­­лағини ўзлаштиришнинг бо­­риши, Туркистон шаҳрининг ривожланиши ва манзилли ёр­­­­­­­­­­­­дам тайинлаш ҳамда тўлов қои­­­­­­­­­­­даларидаги ўзгариш ҳамда қў­­­­­­­­­­­­шимчалар тўғрисидаги маса­лалар, шунингдек, қишлоқ хў­­­­­­­­­­­­­жалиги соҳасидаги сўнгги кўр­саткичлар муҳокама қи­линди. Йиғилишда бир қатор туман ҳо­­­­­­­­­­­­кимлари ва бошқармалар раҳ­барлари Ўмирзақ Естайули­нинг танқидига учради.

Ўзлаштирилмаган маблағ ма­саласи вилоят ҳокимини бениҳоя аччиқлантирди. У 2019 йилги дас­турларнинг асосий чоралари бажарилганини, шу билан бирга йил натижаси бўйича муайян миқ­дорда бир ўзлаштирилмаган маб­лағ борлигини яна эсга солди. Вилоят раҳбари қолган маблағ бўйича тушунча берган туман ҳо­кимларининг гапини шарт кесди. 

– Молиявий назорат хизмати текширдими-йўқми, танлов вақ­тида ўтказилдими, буларнинг ҳаммаси халқнинг муаммоси эмас. Энг муҳими, пул ажратилди, бироқ у ўзлаштирилмай қолди. Балки, келгуси йилда бундай туманларга қўшимча пулни уму­ман бермасак дуруст бўлар.

Бунинг асосий сабаби ҳоким­лар томнидан тегишли назорат­нинг бўлмаганлигида деб ҳисоб­лайман. Яна бир масала – ажра­тилган маблағни режалаш си­фати ва ўзлаштириш муддати, – деб эслатиб ўтди Ўмирзақ Шў­кеев. 

Шунингдек, манзилли ижти­моий ёрдамни тайинлаш ва тў­лов қоидаларидаги ўзгариш ва қўшимчалар борасида амалга оширилаётган ишлар ҳам вилоят ҳокимига ёқмади. У ҳар бир ту­ман, қишлоқда тушунтириш иш­лари кўнгилдагидай эмас­лигини етказиб, ушбу ишни қатъий назо­ратга олишини таъкидлади. 

Туман раҳбарларининг жавоб­ларидан қаноатланмаган Ўмир­зақ Шўкеев тегишли соҳалар раҳ­барларига алоҳида эътибор бе­ришни талаб қиладиган жи­ҳатларни кўрсатиб, аниқ топ­ши­риқлар ва вазифалар юклади.