Туркистон Бирлашган шаҳарлар ва маҳаллий ҳокимликлар (БШМҲ) рўйхатига киритилди

Дурбан шаҳри (Жанубий Африка)да ўтган БМШҲ конгрессининг Assembly Track йиғилишида “Евроосиё-Тинч океани минтақасида барқарорлик, мерос ва урбанизация” мавзуси муҳокама қилинди ва шу ерда Туркистон Бирлашган шаҳарлар ва маҳаллий ҳокимликлар (БШМҲ) рўйхатига киритилди.

850та шаҳар вакиллари Туркистон ҳақида маълумот олдилар ва унинг ушбу фахрий рўйхатга киритилишини қўллаб-қувватладилар.

– Салом, хонимлар ва жаноблар! Исмим Рашид Аюпов, мен Туркистон шаҳри ҳокимиман. – Мен ўз нутқимни бошлашдан аввал, Қозоғистон Республикаси Тўнғич Президенти Нурсултан Назарбаевнинг “Одамлар каби шаҳарлар ҳам ўз тақдирига эгадирлар” деган сўзларини эслашни лозим топдим. Мен бунга шуни қўшимча қилган бўлардим: буюк инсонлар туғилиб, ўсиш, яшаш ва равнақ топишдек ягона мақсад остида бирлашган меҳнаткаш ва бахтли одамлар яшайдиган шаҳарни буюк тақдир кутади. Бунинг учун биз қулай шароитлар яратиб, хавфсизликни таъминлашимиз ва иш ўринлари яратишимиз лозим. Стратег ва прагматик Ли Куан Ю Сингапурни табиий ресурсларга эга бўлмаган кичик оролдан тараққий этган иқтисодиётга айлантирди. Сингапурликларни иқтисодий мўъжизага эришиш йўлида бирлаштирди.

БАА Бош вазири ва Дубай ҳокими Ал Мактум “Амалга ошмайдиган ҳеч қандай орзу бўлмайди”, деб бежиз айтмаган эди У кейинчалик қумда сунъий жаннат барпо этди, дунёдаги энг яхши ва замонавий шаҳарлардан бирига айланди.

Илгари тажриба алмашиш имкони бўлмаган бўлса, ҳозирда бундай халқаро ташкилотлар ва энг янги технологиялар туфайли шундай имконият мавжуд ва биз ушбу ташкилотнинг бир қисми бўлганимиздан жуда хурсандмиз. 

Энди Туркистон ҳақида эслатмоқчиман, бизнинг шаҳримиз ҳар қандай тарихий шаҳар сингари шахсий, тарихий, адабий, мифологик хотира қувватидир. Ва бугун у яна “Тикланган шаҳар” номига ҳам эга, – деб ёзади Рашид Аюпов Инстаграм саҳифасида.