Туркистон вилоятида 39 410 нафар ўқувчи Тўнғич Президент куни муносабати билан ўтказилган очиқ дарсда қатнашди. Ёшларга 59 нафар жамоат арбоби  сабоқ берди. 

Чунончи, Туркистон шаҳридаги, Х. А. Яссавий номли халқаро қозоқ-турк университетида вилоят фахрийлар кенгашининг раиси Женисбек Мау­лен­қулов талабалар билан учрашиб, Элбоши Н. А. Назарбаевнинг эл тамал тошини қалаш йўлидаги хиз­­­­­­­­­мат­лари ҳақида сабоқ ўтди. Қаддини тик­лаб, ўзини тутиб олган ёш мам­лакатни дунёнинг ривожланган дав­лат­лари билан тенглаша оладиган дара­жа­га етказиш йўли йигит-қиз­лар­га атроф­­­лича тушунтирилди. 

Ж. Мауленқулов ўз сўзида Элбоши­нинг халқ учун қилган залворли меҳ­натларини тушунтириб, Тўнғич Прези­­­­дентимизнинг бугунги авлод бил­май­диган қирралари ва сирлари ҳақида батафсил ҳикоя қилди. Шунингдек, Эл­­боши Н. А. Назарбаевнинг эл учун қил­ган эзгу ишлари ва ҳаёт йўлига  ҳам тўхталиб ўтди. 

Бундай ташаббус шаҳар мактаб­ларида ҳам давом этди. Зиёлилар ва жамоат арбоблари мактаб ўқув­чилари билан учрашиб, уларни Мил­лат еткачиси билан фахрланиш, Ватанни севиш, ўз дунёқарашини  ри­вож­лантиришга чақирдилар. Тўн­ғич Президент куни арафасида Элбоши­нинг етакчилик хусусиятлари ва фао­лияти пухта тарғиб қилинди. 

Тадбир давомида талабалар ва ўқув­­чилар Элбошининг ҳаёт йўли ҳа­қида саволлар бериб, қониқарли жавоб олди­лар.