Вилоят ҳокимлиги ва маслаҳати жойлашган бош бинода олтинчи чақириқ Туркистон вилоят маслаҳатининг навбатдаги қирқ тўртинчи сессияси ўтди. Унда вилоят ҳокимлиги ходимлари, вилоят сайлов комиссияси раиси, давлат идоралари раҳбарлари, шаҳар, туман ҳокимлари, маслаҳат котиблари ва оммавий ахборот воситалари вакиллари иштирок этишди.

Давлат байроғи кўта­ри­либ, Мадҳия янграгач, ви­лоят ҳокими Ўмирзақ Шў­кеев қатнашчиларни Мус­тақиллик байрами ва ҚР мас­лаҳатларининг 25 йиллиги билан қутлади.

– Бугун биз учун тарихий кун. Йиғинимиз янги бинода ўт­моқда. Туркистон вилояти ташкил қилинганига бир йил тўлди. Шу давр ичида жуда кўп ишлар уддаланди. Вилоятнинг тараққиётига ҳар бирингиз муносиб ҳисса қўшмоқдасиз, – деди минтақа раҳбари.

Шундан сўнг Ў. Шўкеев ви­лоят, шаҳар, туман мас­ла­ҳат­лари депутатлари, жамоат ташкилотлари етакчилари, давлат идоралари раҳбар­­ларини минтақанинг ривожла­нишига ва вилоятнинг сиё­сий фаоллигини оширишга қўш­ган ҳиссаси учун “ҚР Мас­лаҳатларига – 25 йил” юбилей медали билан тақдирлади. Шунингдек, ташаккурнома ва маслаҳатларнинг 25 йиллиги муносабати билан нашр этил­ган китобларни топширди.

Туркистон вилоят масла­ҳати котиби Қайрат Балабиев “Туркистон вилоят маслаҳати: тарих пиллапоялари ва му­ваффақиятлар” мавзуида маъруза қилди.

С. Ибадуллаев раислик қил­ган сессияда 18 масала му­ҳокама қилинди. Кўрилган масалалар натижаси бўйи­ча вилоят маслаҳати депу­татлари тегишли қарорлар қабул қилдилар.