Ёшларнинг ривожланишига имконият яратиш – Президент сифатидаги асосий вазифаларимдан бири

Буни пойтахтда ўтган Ёшлар йилининиг ёпилиши ва Волонтёрлар йилининг очилиш маросимида Давлат раҳбари Қасим-Жўмарт Тўқаев маълум қилди.

– Бугун бепоён заминимизнинг турли бурчакларидан келган ёшлар пойтахт тўрида, Нур-Султан шаҳрида, халқимизнинг қутлуғ ерида учрашди. Сизлар билан Мустақиллик куни арафасида дийдорлашиб турибмиз. Биз учун бундан улуғ ва муҳим байрам йўқ. Барчангизни табриклайман. Мустақиллигимизни ривожлантириб, мамлакатимизни янада яшнатиш бугунги авлоднинг буюк бурчи. Шунинг учун сизлардан умидимиз катта. Давлатимизнинг келажаги – сизлар. Боягина ёшлардан бир гуруҳи долзарб масалаларни кўтариб чиқди. Фойдали фикрлар айтишди. Мен барча ёшлар билан фахрланаман, – деди Давлат раҳбари.

Қозоғистон Президенти бу йилнинг алоҳида аҳамият касб этишини, Элбоши Нурсултан Назарбаевнинг ташаббуси билан ҳамжиҳатликда, ёшлар йили ўтказилганлигини айтди. 

– Билимли ва рақобатбардош авлод тарбиялаш ишига барчамиз алоҳида эътибор қаратмоқдамиз. Мамлакатимиздаги жами ташаббусларнинг барчаси ёш авлоднинг ёрқин келажаги учун амалга оширилди. Ёшларимизнинг ҳар томонлама ривожланишига шароит яратиш – менинг Президент сифатидаги асосий вазифаларимдан бири. Шунинг учун ушбу масала доимо диққат марказимда бўлади. Бугунги ёшлар – мамлакатимизнинг эртаси, миллатимизнинг келажаги, давлатимизнинг обрўси, – деди Қасим-Жўмарт Тўқаев.