Ҳурматли туркистонликлар!

Мустақиллик куни – халқимизнинг энг эзгу орзуси ушалган кун. Қайси халқнинг бўлмасин Мустақилликка интилиши ҳар доим тўсиқ ва курашлар билан ўтгани барчага маълум. Қозоқ халқи ҳам миллат озодлиги учун курашнинг турфа синовларини сабр-қаноат, келажакка ишонч туфайли енгиб чиқди.

Истиқлол куни – ана шу оғир йўлда тақдирнинг талай синовларига дош бериб, бутун умрини эркинлик йўлига бағишлаган йигитларнинг меҳнати ва жасорати эсга олинадиган қутлуғ байрам.

Мустақиллик – қозоқ халқининг бошига қўнган бахт, барча қозоғистонликларнинг бебаҳо қадрияти. Мустақилликнинг энг муҳим ютуғи – халқнинг аҳиллик-бирлиги ва жамиятнинг барқарорлигидир.

Давлатимизнинг доно сиёсати туфайли элимизда этнослараро ҳамда конфессиялараро тўзимлиликнинг ажойиб намунаси шаклланди. Ҳар бир фуқаронинг этник ҳамда диний ўзгачалигига қарамасдан Бош Қомусимизда кафолат берилган фуқаровий ҳуқуқлари ва эркинликларидан тўлиқ фойдалана олишига имкон берадиган ўзгача тушуниш муҳити қарор топди.

Мана, биз бугун элимизнинг асосий байрами – Мустақилликнинг йигирма саккиз ёшини нишонлаяпмиз. Биз чин маънодаги умумхалқ байрамини йил сайин ўзгача шукуҳ билан қарши олиб, элимиз эришган зўр муваффақиятлардан фахрланган ҳолда нишонлаяпмиз.

Бу йил муқаддас Туркистонни қайта равнақ топтириш ва ривожлантириш бош мақсадга айланди. Туркистон шаҳрида тарихий-маданий ҳамда маъмурий-тадбиркорлик марказларининг қурилиши жадал юритилиб, дастлабки иншоотлар фойдаланишга берила бошлади. Боболаримизнинг руҳи сақланган қадимий шаҳар Мустақиллигимиз билан бирга мангу яшайверсин.

Қадрли ҳамюртлар!

Қозоғистон Республикасининг Мустақиллиги куни – бизнинг умумхалқ байрамимиз. Сизларни улуғ айём билан яна бир бор қутлаймиз! Элимизнинг жадал ривожланиши, муваффақиятларга эришиши – халқимиз тотувлиги ва бирлигининг меваси. Шундай экан, бирлигимиз мустаҳкам, ҳамжиҳатлигимиз баракали бўлиб, Мустақил элимиз гуллаб-яшнайверсин!