Туркистон вилоят ижтимоий тараққиёт бошқармаси Мус­тақиллик кунига бағишланган байрам тадбирини уюштирди. Унда оммавий ахборот воситалари вакиллари, нодавлат таш­­­килотлари аъзолари, жамоат фаоллари, Декабрь воқеаси иштирокчилари қатнашдилар.

Оммавий ахборот воситалари ривожига қўшган муносиб ҳис­саси учун “Айғақ” телеканали ди­ректори Дулат Абиш, “Южный Казахстан” газетаси бош муҳар­рири Марина Лимаренко, “Оң­түстік Қазақстан” газетаси мух­бири Қайрат Зайнишев Дав­лат раҳбари Қасим-Жўмарт Тў­қаев­нинг Фахрий ёрлиғи билан тақ­дирланди. 

Туркистон вилояти ҳокимининг ўринбосари Сакен Қалқаманов мукофотларни топшираркан, жа­миятнинг ривожланишида, иж­тимоий муаммоларнинг ижобий ҳал этилишида журналистларнинг муҳим аҳамият касб этишларини таъкидлади.

– Мустақиллик – энг аввало, халқимизнинг озодликка, ҳурликка бўлган ишончининг меваси. Бу йил истиқлолга эришганимизга 28 йил тўлди. Шу даврда мамлакатимиз улкан муваффақиятларга эришди. Тўнғич Президентимиз Н. На­­­­­зарбаевнинг оқилона сиёсати ту­­­­­­­файли юртимиз равнақ то­пиб, жа­дал суръатлар билан ривож­ланиб бормоқда. Туркистон шаҳ­рининг вилоят маркази бўлиши сўзимизнинг исботи, – деди С. Қалқаманов.

Байрам дастурхонига таклиф этилганлар Туркистон вилояти ҳокими Ў. Шўкеевнинг Фахрий ёрлиқ ва ташаккурномалари, Nur Otan партияси ва вилоят маслаҳатининг махсус Фах­рий ёрлиқлари билан тақ­дирлан­дилар. 

Байрам тантанаси Она Ва­тан­ни улуғловчи, озодлик, истиқ­лолни тараннум этувчи шўх куй-қўшиқлар билан янада файзли бўлди.