Чордара туман тарихий-ўлкашунослик музейи ташаббуси билан ҚР Президенти Н. Назарбаевнинг “Келажакка йўлланма: маънавий янгиланиш” мақоласини тарғиб қилишга йўналтирилган “Туғилган ер” дастури доирасида “Ёрқин келажакка маънавий янгиланиш билан” мавзуида тадбир ўтказилди. 

Элбошимиз қозоғистонлик ҳар бир оиланинг шароитини яхшилаш мақсадида 2012 йили “Қозоғистон-2050” Стратегиясини, 2015 йили “100 аниқ қадам” Миллат режасини, 2017 йили “Қозоғистоннинг учинчи замонавийлашуви: дунёвий рақобатбардошлик” Мактубини, жорий йил эса “Келажакка йўлланма: маънавий янгиланиш” мақоласини эълон қилди. Мазкур дастурлардан асосий мақсад – дунёнинг энг тараққий этган 30та давлати қаторидан жой эгаллаш. 

Элбоши таъкидлаганидек, мақсадга эришиш учун бизнинг тафаккуримиз ишимиздан олдинда юриши, яъни ундан аввал янгиланиб туриши зарур. Президентимиз ўз ватандошларининг маънавий янгиланишини истайди. Бу – ривожланишнинг асосий дастакларидан бири. Элбоши айтганидек, яшаш учун янгилана билиш керак. Унга кўнмаганлар тарихнинг тўзонида қолиб кетади.

“Туғилган ер” дастури доирасида “Шажарали Шардара” мавзуида кўргазма уюштирилди ва тадбир иштирокчилари томонидан ўқувчиларнинг саволларига жавоб берилди.