Туркистон вилояти ҳокими Ўмирзақ Шўкеев ва шаҳар ҳокими Рашид Аюпов шаҳардаги асосий арчанинг чироқларини ёқишди. Шаҳар марказидаги “Гулдер” истироҳат боғида қад ростлаган элимиздаги энг баланд Янги йил арчаси атрофига туркистонликлар ва шаҳар меҳмонлари йиғилишди.

– Янги йил – бизлар, ёшлар, айниқса, болалар орзиқиб кутадиган оилавий байрам. Шу боис, биз болалар кўзини қувонтирадиган арча ўрнатдик. Барчага маълум, Элбошининг Фармони доирасида Туркистон ривожланиб бормоқда. Келаси йили шаҳримизга Марказий Осиё давлатларининг раҳбарларини чақириб, Туркистонни бутун дунёга кўз-кўз қиламиз. Буларнинг барчаси сиз, келажак авлод учун қилинаётир. Хуллас, Янги йил барчамизга яхшилик олиб келсин! Бошланган ҳар бир ишимиз муваффақиятли, тотувлигимиз мустаҳкам бўлсин! – дея эзгу тилакларини билдирган Ўмирзақ Естайули болаларга 700дан зиёд совға тарқатди.

Байрам тадбирида Қорбобо ва Қорқиз, эртаклар оламининг турли қаҳрамонлари болалар билан қўшиқ айтиб, рақсга тушдилар. 20 метрлик арчада 2000дан зиёд ўйинчоқ ва шамлар илинган. 

Жорий йил Янги йил арчалари шаҳардаги “Гулдер” майдони ва “Ғалаба” истироҳат боғига ўрнатилди.