Қозоғистон Республикаси Меҳнат ва аҳолини ижтимоий муҳофаза қилиш вазирлиги Меҳнат, ижтимоий муҳофаза ҳамда миграция қўмитаси раиси Ербўл Нурғалиев Туркистон вилоятига келиб, Сайрам, Ўрдабоши туманлари ва Туркистон, Кентов шаҳарларидаги аҳолига хизмат кўрсатиш ҳамда иш билан таъминлаш марказларининг фаолияти билан танишди. Туркистонга ташрифи чоғида Е. Нурғалиев даставвал аҳолига хизмат кўрсатиш марказида бў­либ, кўпболали оналар билан учрашди. Давлат томонидан кам таъминланган оилаларга бе­ри­лаётган ёрдамни олиш чоғида юзага келаётган муаммолар би­лан қизиқиб, 2020 йилдан бош­­лаб бериладиган ёрдам мо­делига киритилаётган ўзга­риш­ларга тўхталди. 

Вилоят бандликни таъмин­лаш марказида эса дав­лат им­­тиёзларидан фойдаланиб, тад­биркорлик билан шуғул­ла­на­ётган фуқаролар билан уч­рашди. Шунингдек, манзил­­ли ижтимоий ёрдамдан фойда­ланиб, ўз уйида тадбир­корлик би­­­­лан шуғулланувчилар хона­­­до­нига ташриф буюрди. 

Туркистон вилоятида меҳнат­га лаёқатли МИЁ олувчи 40 711 киши доимий иш билан таъмин­ланган, улардан 6690 киши тад­­­биркор сифатида рўйхатга оли­­­ниб, ўз ишини йўлга қўйган. 

Меҳнат, аҳолини ижтимоий муҳофаза қилиш ва миграция қўмитаси раиси 2020 йилдан бошлаб манзилли ижтимоий ёр­­дамнинг янги модели ҳамда иж­­­­­­тимоий кафолатланган пакет­нинг ишга тушишини айтди.