Туркистон шаҳар, “Ўтрор” кичик туманида 1-сонли Ахмет Байтурсинов номидаги умумий ўрта мактаб фойдаланишга топширилди. Янги таълим масканининг очилиш маросимида ви­лоят ҳокими Ўмирзақ Шўкеев қатнашди.

Янги йил арафасида эшигини оч­ган таълим даргоҳи 900 ўқувчига мўл­жалланган. Йиғилганларни таълим ўчоғининг очилиши билан табриклаган минтақа раҳбари янги бинони оралаб кўрди. Замон та­ла­бига мувофиқ қу­рилган имо­­рат­­­­­да фан кабинетлари, маж­лис ва спорт заллари, ошхона, тиб­биёт хона­лари бор. У зарур ус­­­ку­налар билан  таъминланган. 

Қурилиши 2018 йили бошланган уч қаватли таълим даргоҳи “зангори олов” билан иситилади. Марказ­­лаш­ти­рилган сув ва канализация тармоқлари ўтказилган. Замонавий мактабнинг умумий майдони 12 минг квадрат метр. Туркистон вилояти­да жами 905та (унинг – 6таси ху­­­­­­сусий) умумий ўрта мак­­­­­­таб фао­лият юритади, уларда 481 минг­­­­­­дан зиёд ўқувчи билим олмоқда. Ёш авлодга 60 минга яқин ўқитувчи сабоқ бермоқда. Улардан 18 фоизи ёш мутахассислар. Истеъдодли болаларга мўлжалланган 12та мак­­­­­­­­таб-интернат мавжуд. Ушбу муас­сасаларда 3000дан зиёд ўқувчи би­­­­­­­лим олади. Бинобарин, Арис, Бай­дибек, Келес, Мақтаарал, Ўрда­­­боши, Ўтрор, Сайрам, Сўзоқ ту­­­­­­ман­­­­­­­­­­­­­­­ларида иқтидорли болаларга мўл­жал­­­ланган мактаблар қурилмаган. 

Сабаби бундай мактабларни 2020 йилда очиб, ўқувчилар умумий сонини 2000 нафарга етказиш режа­ланмоқда. Вилоят маркази эса Абай Қунанбаев номидаги заковат мак­табини очиш ҳам мўлжаллаб қўйил­ган.