Вилоятимизга Қозоғистон Рес­публикаси Парламенти Маж­­­­­­­­лиси­нинг депутатлари хизмат сафари билан келдилар. Байдилда Жил­­­­қишиев, Мансурхан Махам­бетов, Уалихан Қайназаров, Қу­­дайберген Ержан, Сакен Қани­­беков ва Мухтар Ерман дастлаб вилоят ҳокимининг биринчи ўрин­босари Қўсман Айтмухаметов би­­­­­лан учрашдилар. Суҳбат чоғида мин­­­­­тақанинг ривожланиши, давлат дас­­­турларининг ижроси ҳақида гап борди. 

Парламент депутатлари Туркис­­­­­­тон шаҳрининг қиёфаси ўзгараёт­ганини таъкидлаб, қурилиш ишлари­ни юқори баҳолашди.

Шаҳарни айланиб, Nur Otan пар­тияси Туркистон вилоят фи­­лиали­нинг “Open spase” шакли­­­­­­­даги жа­моат қабулхонаси фаолияти билан яқиндан танишишди. Партия, фрак­ция аъзолари билан уч­рашиб, фу­қароларнинг талаб-истак­­ларини ўр­ганишди ҳамда янги қонун лойи­ҳалари ҳақида фикр алма­шишди.

Минтақа ҳаёти билан танишиш учун келган депутатлар бир ҳафта давомида шаҳар ва туманларни оралаб, сайловчилар билан учраш­дилар.

Халқ ноиблари сайловчилар билан учрашувларда ҚР Парламен­­­ти Мажлисида қабул қилинган қо­нунлар, улардаги ўзгариш ва қў­шим­­­чалар ҳақида гапириб беришди. Миллий ижтимоий ишонч кен­­­­­­­­­­гашида айтилган устувор масалалар, Nur Otan партиясининг иш услубини ян­гилаш йўналишида бажа­­­ри­ладиган ва­зифалар, олий ўқув юрт­ларини та­­комиллаштириш ма­сала­лари ту­шун­тирилди. Шунингдек, 2020 йилдан бошлаб бериладиган ман­зилли иж­тимоий ёрдамнинг янги шакли ба­тафсил баён этилди. 

Учрашув иштирокчилари эркин шаклда ўтган йиғинда ўзларини қи­зиқтирган саволларга тўлақонли жа­воб олишди.

***

ҚР Парламенти Мажлиси де­пу­тати Фахриддин Қоратоев М. Ауе­­­зов номидаги Жанубий Қозо­ғис­тон Давлат университети педа­гогик жамоаси билан учрашди. Очиқ му­лоқот тарзида ўтган учрашув­ни уни­верситет ректори Д. Қўжамжа­рова очиб, олиб борди. 

Учрашув иштирокчилари соҳа­даги муаммоларни кўтариб, уларга халқ ноибидан тегишли жавоблар олдилар.