Қозоғистон рақамлашган мамла­катга ай­ланмоқда. Бу, биринчи галда, давлат хиз­матлари кўрсатилишида ўз аксини топаётир. Яқинда пойтахтда ўтган маҳка­малараро комиссия маж­лисида яна 9та давлат хизмати кўр­сатишни осонлаштириш масаласи муҳокама қилинди. ҚР Рақамли тараққиёт, инновациялар ва аэрокосмик саноат вазирлиги тарқатган ахборотга кўра, мажлисда аҳоли учун долзарб масалалар кўриб чиқилди.

Комиссия аъзолари жами 41та дав­лат хизматини кўриб чиқиб, энг кам фойдаланиладиган 13та хизматни рўй­хатдан олиб ташлаш, 15та хизматни элек­трон шаклга ўтказиш ҳамда бир-бирига ўхшаш хизматларни бирлаш­тиришни таклиф қилишди.

Автоматлаштириладиган хизматлар қаторида 086/у шаклидаги тиббий маълу­­­­­­­­­­­мотнома ҳам бор. Таклиф қабул қилинса, уни мажбурий тиббий тек­шириш натижалари асосида eGov пор­тали орқали олиш имконияти пай­до бўлади. Унинг махсус QR-коди бўла­ди, код ҳужжатнинг ҳақиқийлигини тек­шириш имконини беради. Электрон маълумотноманинг яроқлилик муддати – бир йил.

Иштирокчилар Президент тасдиқлаган Давлат хизматларини кўрсатиш тўғ­ри­сидаги қонун ҳужжатларига тузатишлар киритиш билан боғлиқ ҳаракатлар режасини ҳам муҳокама қилишди. Қо­нун кучга кириши учун яна 400та меъё­рий ҳужжат қабул қилиниши ло­зим. Ушбу Қонуннинг ижтимоий аҳа­миятини инобатга олган ҳолда, вазир Асқар Жу­мағалиев унга дахлдор ҳужжат­лар­нинг тезроқ қабул қилинишини таъмин­лаш лозимлигини давлат орган­лари вакил­ларига эслатиб ўтди.

Қонунга «проактив» ва «композит» тушунчалари киритилганлигини таъкид­лаб ўтиш даркор. Яъни, эндиликда дав­­­лат фуқароларга маълум даражада ўзи­­­­­­­­га-ўзи хизмат кўрсатишни таклиф қи­­­лади.

Комиссия мажлисида давлат хизмат­ларини автоматлаштириш ва осонлаш­тириш бўйича бажарилган ишлар ҳа­қида ҚР Меҳнат ва аҳолини ижтимоий ҳимоя қилиш, Қишлоқ хўжалиги, Соғликни сақ­лаш, Маданият ва спорт вазир­ликла­рининг вакиллари баёнот берди­лар.