Уйни имтиёзли асосда олиш мумкинми?

ҚР Президенти Маъмурияти жамоат қабулхонасининг Теlegramдаги саҳифасида кимлар имтиёз билан уй олиши мумкинлигини маълум қилди.

Фуқароларга имтиёз билан уй бериш бугунги кунда Қозоғистондаги энг долзарб масалалардан бири бўлиб қолмоқда. Шунга биноан Аризаларни назорат қилиш бўлими “Нурли ер” уй-жой дастурининг 2025 йилгача узайтирганини маълум қилади.

“Ягона бошпана сиёсатини амалга ошириш”нинг биринчи вазифаси доирасида бошпана оммабоплиги босқичи жорий этилиб, унда аниқлик киритувчи омил аҳолининг даромади бўлади, дейилган маълумотномада.

Аризаларни назорат қилиш бўлимининг маълумотига кўра, оила аъзосига бир яшаш минимуми (29,7 минг тенге)гача даромади бор навбатда турган фуқаролар (етим болалар, 1, 2-гуруҳдаги ногиронлар, нафақадорлар ва бошқалар)га сотиб олишга бўлмайдиган ижаравий уйлари берилади.

«Бахтли оила» дастури доирасида оила ҳар бир аъзосига икки яшаш минимуми (59,4 минг тенге)га тенг даромади бор кишилар (кўпболали, тўлиқсиз ва ногирон болалари бор оилалар)нинг уй олиш имкони бор.

Оила аъзосига 3,1 яшаш минимуми (92 минг тенге) гача даромади бор навбатда турганлар (ҳарбий хизматчилар, бюджет ҳамда давлат хизматчилари) «5-20-25» дастури асосида ҳокимликларнинг кредитга бериладиган бошпаналарига даъвогар бўла олади. Даромади 3,1 яшаш минимумидан юқори фуқаролар «7-20-25» дастурида қатнаша оладилар.

Шунингдек, даромади 5 яшаш минимумидан (148,5 минг тенге) юқори кишилар учун «Бошпана-хит», «Ўрда» ҚИК, «Уй-жойқурилишжамғармабанки»нинг «Ўз уйим» бозор маҳсулотлари орқали бошланғич ва қайтарма уй олиш имкони яратилган.

«Уй олиш шаффофлигини таъминлаш ва ягона тизимли ҳисобга олиш учун уй навбатида турганларнинг ягона республика базаси жорий этилади. Мазкур база навбатда турганларга уй-жойнинг оммабоплигини билдириш учун қўлланилади. Бу давлат қўлловининг аниқлигининг ва давлат маблағини мақсадли сарфлаш самарадорлигини таъминлайди», деб таъкидлайди ҚР Президенти Маъмуриятининг жамоат қабулхонаси.