ҚР Президенти ижтимоий аҳамиятга эга озиқ-овқат баҳоларини барқарорлаштириш бўйича топшириқлар берди.

Давлат раҳбари Қасим-Жўмарт Тўқаев Савдо ва интеграция вазири Бақит Султановни қабул қилди.

Б. Султанов Давлат раҳбарига ички ва ташқи савдони ривожлантириш, экспортга чиқарувчиларни қўллаб-қувватлаш, интеграциявий. жараёнлар, ички бозорни контрабанда маҳсулотларидан ҳимоя қилиш каби вазирлик фаолиятининг асосий йўналишлари бўйича бажарилган ишлар якунлари ҳақида маълумот берди.

Шунингдек, вазир Президентга нархни белгилаш, ижтимоий аҳамиятга эга озиқ-овқат баҳоларини барқарорлаштириш масалалари вазирликнинг алоҳида эътиборида эканлигини етказди. Марказий ҳамда маҳаллий ижро органларининг вазифаларини белгилаб берадиган Йўл харитаси лойиҳаси тайёрланган.

Вазирликнинг фаолиятини ижобий баҳолаган Қ. Тўқаев Б. Султановга ички бозорни маҳаллий маҳсулотлар билан таъминлаш, ижтимоий аҳамиятга эга озиқ-овқат маҳсулотларининг баҳосини барқарорлаштириш, нархнинг асоссиз ўсиши ва даллолчилик ҳаракатларининг олдини олиш ҳамда қозоғистонлик ишлаб чиқарувчиларнинг маҳсулоти истеъмолчиларга маъқул бўлиши учун аниқ топшириқлар берди.