Ўтган йили Қозоғистондан хорижга 156 минг бош қорамол чиқарилган. Шундан 121,6 минг боши ёки 78 фоизи Ўзбекистон Республикасига, 14 фоизи Арманистонга экспорт қилинган. Бундан ташқари 264 минг бош қўй олиб кетилган, уларнинг ярмидан кўпроғи совлиқлардир. Майда туёқли молларнинг катта қисми, яъни 200 минг бошдан зиёди Ўзбекистонга, 21,5 минг боши Россия Федерациясига, 18 минг боши Озарбайжонга ва тахминан 12 минг боши Эронга экспорт қилинган. 

– Молни тириклай экспорт қилиш гўшт нархининг ошиб кетишига олиб келди. Шунингдек, Қозоғистондаги гўштни қайта ишлаш корхоналарининг иш ҳажми камайиб кетди. 2019 йилда улар ўз имконларидан тўла фойдалана олишмади. Агросаноат мажмуасини ривожлантиришнинг 2017-2021 йилларга мўлжалланган давлат дастурига биноан, қайта ишланган маҳсулот экспортини 2,5 баравар ошириш вазифаси белгиланган. Шу муносабат билан, ҚР Қишлоқ хўжалиги ҳамда ҚР Молия вазирликларининг 2019 йил 21 октябрдаги «Қишлоқ хўжалиги моллари экспорти масалалари тўғрисида»ги қўшма буйруғига ўзгартиш киритилди. Эндиликда молларни тириклай экспорт қилиш тақиқланади», – дейилади вазирлик хабарномасида.