Nur Otan партиясининг «Ишонч. Мулоқот. Келажакка дадил қадам – партиянинг 7 жўшқинлиги» дастури дорирасида партия Туркистон вилоят филиали раисининг биринчи ўринбосари Б. Тажибаев Тўлебий туман партия филиалида фуқароларни қабул қилди. 

Шахсий масалалар бўйича партиянинг сайёр қабулхонасига келганлар уй-жойларини қонун доирасида расмийлаштириш, очилиши қийин бўлаётган мол ўғрилиги, ёшлар бандлиги масалалари бўйича мурожаат этиб, ёрдам сўрашди. 

Бейсенбай Даулетули мутасадди бўлимлар раҳбарларига топшириқлар бериб, кўтарилган масалаларни ўз назорати остига олишини маълум қилди.

***

Nur Otan партияси Тўлебий туман филиали ҳар ойда мунтазам равишда жамоат қабули ўтказишни анъанага айлантирган. Мулоқот замирида одамлар ҳолидан хабар олиш, уларнинг муаммоларини ўрганиш, камчиликларини бартараф этиш, ижтимоий муҳофазага муҳтож инсонларни ҳимоялаш каби эзгу мақсад-муддаолар мужассам. Навбатдаги қабулни туман маслаҳати депутати Д. Айтбаев ҳамда меъморчилик ва шаҳарсозлик бўлими раҳбари Г. Зиятова ўтказишди. 

– Ҳар бир мурожаат ортида инсон тураркан, уларнинг талаб-истакларини жойлардаги аҳволнинг ёрқин кўзгуси деб биламиз, – деди депутат. – Шунинг учун бу масалага масъулият билан ёндашмоқдамиз.

Қабулда Б. Ҳасанов имконияти чекланган жиянига ногиронлик гуруҳи ололмаётганидан, арз қилди. Депутат унга тиббий кўрикдан ўтказишига ёрдам бериб, масалани шахсан назоратига олишини етказди. Тадбиркорлар М. Жалилов, М. Ибрагимов, А. Асанов ва бошқаларга банкдан насия олишда, амалий ёрдам кўрсатадиган бўлди. 

С. Есжановга ишга жойлашишда кўмак кўрсатилади.