Парламент Мажилисида «Қозоғистон Ҳукумати ва Ўзбекистон Ҳукумати ўртасида Ноқонуний миграцияга қарши кураш бўйича ҳамкорлик тўғрисидаги келишувни ратификация қилиш тўғрисида» Қонуни лойиҳаси маъқулланди.

Шартномани 2019 йил апрель ойида Тошкент шаҳрида икки мамлакат ташқи ишлар вазирлари имзолаган. Ҳужжатни ратификация қилиш миграцияни тартибга солиш, фуқаролик масалаларини ҳал қилиш ва ноқонуний миграция тармоқларини аниқлаш учун қулай шарт-шароитлар яратади. «Ушбу шартнома икки фуқароликка ва ноқонуний миграцияга қарши курашда муҳим аҳамиятга эга ва миллий хавфсизликни таъминлашга қаратилган. Ҳужжатга кўра, Ўзбекистон фуқароси паспортини йўллаш тартиби созланган. Энди ватандошларимиз (ҚР фуқаролигини олган қозоқ миллатига мансуб собиқ ЎР фуқаролари – Ред.) ЎР паспортини топшириш учун ЎР элчихонасига бориб, консуллик тўловини тўлашлари шарт эмас. ҚР Конституциясининг 10-модда 3-бандига кўра, республика фуқаросининг бошқа давлат фуқаролигида бўлиши тан олинмайди. Ўзбекистон Республикаси ҳам иккита фуқароликка йўл қўймайди», – деди ҚР Ички ишлар вазирининг биринчи ўринбосари Марат Қўжаев. 

Унинг айтишича, Ўзбекистон томони битимни ратификация қилиш тартибини якунлаган. М. Қўжаев 2014 йилдан буён шунга ўхшаш 14та келишувга эришилганини маълум қилди. Улардан бир қанчаси имзоланган. Улар орасида Қирғизистон, Тожикистон, Ўзбекистон, Белорус каби давлатлар билан тузилган битимлар ҳам бор. Бу йил Арманистон билан келишув имзоланиши режалаштирилмоқда.