Туркистон вилояти ҳокими Ўмирзақ Шўкеев Байдибек тумани, Шаян қишлоғидаги ёрдамга муҳтож кўп болали она уйига бориб, оиланинг бугунги турмуши билан танишди. 

6 бола билан ижара уйда яшаб келаётган ёлғиз онанинг орзуси – бошпанали бўлиш. У қишлоқ касалхонасида кичик тиббий ходима бўлиб ишлайди. Оиланинг аҳволига гувоҳ бўлган минтақа раҳбари туман ҳокимига бошпана масаласини ҳал қилишни топширди. “Ғамхўрлик” дастури доирасида кўп болали онага янгидан қурилаётган икки қаватли уйдан квартира бериладиган бўлди.

Байдибек туманига иш сафари билан борган вилоят ҳокими Бўралдай қишлоқ округида жойлашган “Шаян” индустриявий минтақасида амалга оширилаётган лойиҳалар билан танишди. Сўнг Алғабас қишлоқ округи Қазата аҳоли манзилидаги сув тозалаш ускуналарини бориб кўрди. Сув тармоқларини қайта таъмирлаб, яқинда жойлашган тўртта аҳоли манзилларига ичимли сув тортиш масаласида масъул мутахассислар билан учрашди. Шунингдек, Қапшағай сув омборини таъмирлаш лойиҳаси муҳокама қилинди.

Вилоят ҳокими раҳбарлигидаги ишчи гуруҳ Марказий хиёбонда олиб борилаётган ободонлаштириш ишлари билан танишди.

Шунингдек, Туркистон вилояти ҳокими маҳаллий оқсоқоллар билан учрашиб, бажарилаётган ишларга тўхталди.