Сайрам тумани, Қорасув қиш­лоғида яшовчи имконияти чек­ланган ёлғиз она Дариға Аманбаевага Nur Otan пар­­­тия­­си Қорасув бошланғич пар­тия ташкилоти раисининг таш­килотчилигида бошпана қуриб берилди. 

Вилоят ҳокими Ўмирзақ Шў­кеев билан Сайрам тумани ҳо­кими Уласбек Садибеков унинг уйига бориб, оиланинг бу­гунги аҳволи билан яқиндан таниш­ди. Имконияти чекланган бола­ни парваришлаётган уч фар­занднинг онаси раҳбарларни қу­вонч билан кутиб олиб, миннат­дорчилик билдирди.

– Ғамхўрлик ва саховат – қо­нимизда бор фазилат. Ғамхўр бў­лиш, муҳтожларга ёрдам бе­риш ҳар биримизнинг инсоний бур­­­­чимиз бўлиши керак. Янги уй му­борак бўлсин! – деди вилоят ҳокими.

Туркистон вилоятида йўлга қў­йилган “Ғамхўрлик” дастури ўз бой­лигини баҳам кўриш, муҳтож, кўнг­ли ярим одамларга қўл чўзиш мақ­садида амалга оширилмоқда. 

Яқин орада қорасувлик яна бир муҳтож оила бошпана му­аммосидан халос бўлади. Ҳозир ғамхўрликка ташна Абдуалиевлар оиласига ҳам уй қурилмоқда. Унга бошланғич партия ташкилоти фаоллари, қиш­лоқ аҳли, маслаҳат депутатлари ҳомийлик қилмоқда. 

“Ғамхўрлик” дастури доирасида нуротанликлар ёрдамга муҳтож оилаларга бошпана қуриб бе­риш­ни давом эттираверади. Уму­ман олганда, вилоят бўйича 2 мингга яқин оилага лойиҳа доирасида турли кўринишда ғам­хўрлик кўр­сатилади.