ҚР Бош вазири ва Туркистон вилояти ҳокими Туркистон шаҳридаги янги аэропорт ҳамда унга олиб борадиган авто­мобиль йўли қурилишини текширишди. Иншоот вилоят марказидан 16 чақирим узоқликда жойлашган ҳамда жорий йил сентябрь ойида фойдаланишга берилади. Терминалнинг ўтказиш қуввати йилига 3 млн. йўловчини ташкил этади.

А. Мамин Конгресс-холл, Ўқув­чилар саройи, ҳокимликнинг идоралар зали, бассейнга эга спорт мажмуаси, 7 минг ўринга мўлжалланган стадион, драма театри, вилоят илмий-оммабоп кутубхонаси, аттракционларга эга шаҳар хиёбони, “Буюк Дашт эли” маркази ҳамда Х. А. Яссавий музейи бинолари қу­рилаётган майдончаларни оралади, шунингдек, “Буюк Ипак Йўли” маркази, Миллий ҳу­нармандлар маркази ва ташриф маркази биноларини пардозлаш ишларини кўздан кечирди.

Ҳукумат раҳбари ҳар бири 120 хонадан иборат “Rixos Turkestan”  ва “Hampton by Hilton” меҳмонхоналари, шунингдек, Туркиянинг  “Sembol construction”  компанияси қураётган, сар­моявий қиймати 80 млрд. тен­гени ташкил этадиган “Карвон-сарой” кўпсоҳали сайёҳлик маж­­­­муасининг қурилиши билан та­­нишди. Уларни жорий йилда иш­га тушириш кўзда тутилган.

– Тўнғич Президент – Эл­боши Н. Назарбаев ҳамда Дав­лат раҳбари Қасим-Жўмарт Тўқаев Туркистон шаҳри­нинг ривожига алоҳида эътибор қа­ратмоқда. Жорий йил кузда бу ерда туркийзабон дав­лат­лар ҳамкорлик кенга­ши­нинг саммитини ўтказиш режа­лаш­тирилган. Шунинг учун бар­ча керакли иншоотлар ўз муд­датида ҳамда сифатли бит­ка­зи­лишини таъминлаш лозим, – деди А. Мамин.

Қозоғистон Республикаси Бош вазирининг матбуот хизмати.