Тўлейбий туманидаги 9та аҳоли манзилига газ берила бошлади. Вилоят ҳокимининг ўринбосари Мейиржан Мирзалиев, туман ҳокими Бауржан Ўмарбеков фуқароларнинг қувончига шерик бўлдилар. Йиғилишда табрик сўзи билан чиққан туман раҳбари бошқа аҳоли манзилларида ҳам газ ўтказиш ишлари бораётганини айтиб ўтди. 

2017-2019 йиллар оралиғида республика бюджети ҳисобидан 1 млрд. 988 млн. тенге ажратилиб, Тасариқ қишлоқ округидаги Мойбулоқ, Қўстўбе, Қаратўбе, Балдибек, Тўнкерис аҳоли манзилларига газ қувурларини ётқизиш ишлари олиб борилган эди. 

Ҳозирги кунда 9та иншоотнинг барча техникавий ҳужжатлари расмийлаштирилган. Бугунги кунда 9та аҳоли манзили бўйича 1542 абонентдан 793тасига техникавий шартлар олиниб, ички газ қувурлари ўтказилган, улар “ГазТранс­ГазАймақ” ҲЖда рўйхатга олинган. Бугун фойдаланишга топширилган газ тармоғини қўшганда, туман ҳудудидаги 55та аҳоли манзилидан 48тасининг табиий газ билан таъминлангани маълум бўлди.

Қолган Қўғали қишлоқ округининг Диханкўл, Узунариқ, Алшали ва Қасқасу қишлоқ округининг Қасқасу, Юқори Қасқасу, Кенесариқ, Керегетас аҳоли манзилларини табиий газ билан таъминлаш учун лойиҳа-смета ҳужжатлари тайёрланиб, таҳлилнинг ижобий натижаси олинди. Смета қиймати – 1 млрд. 269 млн. тенге. Лойиҳани молиялаштириш учун 2020 йилга мўлжалланган республика ва вилоят бюджетига тавсия этилиб, молиялаштириш кутилмоқда. Лойиҳа қаноатлантирилса Тўлебий туманининг 55та аҳоли манзилидаги 118 600 киши 100 фоиз газ билан таъминланади.