Вилоят ҳокимлиги ўсмирлар ва болалар орасидаги суицидни камайтириш бўйича муайян ишларни амалга оширмоқда. Бажарилган ишлар натижасига кўра Туркистон вилоятида бултур болалар орасида ўз жонига қасд қилиш кўрсаткичи 32 фоизга озайган.  Хожа Аҳмад Яссавий номидаги ХҚТУда бошланган 76 соатлик тажрибага мўлжалланган қалдирғоч лойиҳаси доирасида бошланган курс давомида малакали мутахассислар ана шундай фикр билдиришди. 

Ёшлар орасидаги ўз жонига қасд қилиш ҳолатларининг олдини олиш, руҳшуносларни йиллар бўйи муаллифлар томонидан турли синовлардан ўтказилган усуллар билан таништириш мақсадида бошланган янги лойиҳа минтақадаги мактаб директорлари, уларнинг тарбиявий ишлар бўйича ўринбосарлари ҳамда руҳшуносларни бир жойга  тўплади. Унда ХҚТУ раҳбарияти, таълим маскани олимлари ва вилоят инсон салоҳиятини ривожлантириш бошқармаси раҳбарлари, прокуратура вакиллари қатнашдилар. Икки ҳафталик курс давомида устозлар дунёвий тажрибада синалган психологик амаллар билан танишдилар. 

Мутахассислар ва тадқиқотчилар эса  ўша йўналишдаги илмий тажрибалари, муаммони ҳал этиш йўлларини ўртоқлашишди. 

Минтақа раҳбариятининг бевосита назоратида турган масала бўйича бир неча йўналишда аниқ ишлар қилинмоқда. Шулардан бири – «Бестерек» лойиҳаси. Унинг доирасида мингдан зиёд педагог-руҳшунос навбатма-навбат тайёргарликдан ўтмоқда.

Тайёргарликдан сўнг улар «таваккал гуруҳи»га кирадиган болалар ва уларнинг ота-оналари билан тиғиз фолият юритиб, қўллов кўрсатмоқдалар. Айтганча, 2018 йили вилоятда 106 суицид рўйхатга олиниб, улардан 41таси фожеали тугаган. Бултур мазкур кўрсаткич анча камайди.