Вилоят ҳокими Ўмирзақ Шўкеев Туркистон шаҳрида жорий йили фойдаланишга бериладиган уй-жой биноларини оралаб, қурилиш сифатини текширди. 

Шаҳарнинг маъмурий-тадбиркорлик марказида 7 қаватли 14та, 12 қаватли 40та ҳамда Ғарбий Хитой – Ғарбий Европа йўлида 7 қаватли 10та уй қад кўтарган. Уйларнинг қурилиши икки сменада олиб борилмоқда.

Шунингдек, маъмурий-тадбиркорлик маркази ҳудудида хусусий қурилиш компанияси ўз маблағи ҳисобидан 12 қаватли 32та уй қурилишини олиб бормоқда. Йил охиригача 12та уй фойдаланишга топширилади. Қурилиш ишларига 600дан зиёд ишчи сафарбар қилинган. Вилоят ҳокими соҳа раҳбарлари ҳамда пудратчи компаниялар раҳбарлари билан учрашди.

Ишлар жуда суст олиб борилаётганини таъкидлаган минтақа раҳбари қурилишни вақтида якунлашни топширди. Бу борада, техникавий назорат муассасаларга огоҳлантириш хати йўлланиб, жадвалдан ортда қолаётган қатор пудратчи компанияларга жарималар солинган. Масъул шахслар ишга ишчилар тақчиллиги ва қоғозбозлик халақит бераётанини айтишди.

Янги уйларга кириб кўрган вилоят ҳокими қурилиш компанияси раҳбарларига қурилишни вақтида тугатиш зарурлигини яна бир бор таъкидлаб, ишчилар сонини кўпайтириш ҳамда инфратузилмавий тизимларни фойдаланишга шай қилиб қўйишни топширди.