Туркистон шаҳридаги маъмурий-тадбиркорлик маркази ҳудудида бунёд этилаётган иншоотларга сифатли ичимли сув етказиш мақсадида замонавий сув жамғармаси тизими қурилиши юритилмоқда. Бу ердаги барча қурилмалар ўзимизда ишлаб чиқарилган. Минтақа раҳбари Ўмирзақ Шўкеев янги сув тармоғининг қурилиш ишларини назорат қилиб, масъул ходимларга аниқ топшириқлар берди. Режа бўйича янги сув шохобчалари июнь ойида тўлиқ ишга туширилиши шарт.

Туркистон шаҳрида амалга оширилаётган қатор ижтимоий аҳамиятли лойиҳаларни текширган вилоят ҳокими “Арис-Туркистон” каналидан бошланадиган канал қурилишини ҳам оралади. Унинг ёрдамида шаҳардаги хиёбонлар ва гулзорлар, экин майдонлари суғорилади. Канал атрофига пиёдалар йўлаги ва велосипед учун йўл қурилади. Тунги чироқлар ва ўриндиқлар ўрнатиш ишлари давом этади.

Вилоят ҳокими, шунингдек, янги “Туркистон” индустриявий минтақасида жойлашган маъмурий-маиший мажмуанинг ички ҳамда ташқи қурилиш ишларини текширди. Ҳозиргача ишларнинг 90 фоизи бажарилган. Ободонлаштириш ва пардозлаш ишлари бир ой ичида тугатилади. Мазкур иншоотнинг биринчи қаватида кўргазма зали очилади. Бундан ташқари, мажлис зали ва “ягона дарча” қоидаси билан ишлайдиган марказ жойлашади. Ҳовлисидаги футбол майдони ва теннис корти ҳам яқин кунларда фойдаланишга берилади.

Ўзгача дизайнда қурилган янги марказда идоралар, ишлаб чиқариш майдонларидан ташқари, Браунфилд, яъни корхоналарнинг ўз жиҳозлари билан ўрнаша оладиган махсус майдончалар барпо этилмоқда. Жаҳон тажрибасига мос иш жойлари тадбиркорларга имтиёзли баҳода берилади. Дастлабки ўринларнинг март ойи охирларида очилиши кутилмоқда.

 Йил сўнгигача Туркистон шаҳрида бундан ташқари 5та Браунфилд барпо этилади.