Қозоғистон ва Туркия орасида дипломатик алоқа ўрнатилганига 25 йил тўлиши му­но­са­бати билан Жанубий Қозоғистон ви­лояти санъаткорлари қардош давлатда санъатларини намойиш этиб қайтишди. 

Қозоғистоннинг Туркиядаги элчи­хо­наси, Анқара шаҳри, Кечиўрен мин­тақаси ва Жанубий Қозоғистон вило­яти ҳокимлиги ташаббуси билан уюштирилган тадбирда Эл­бошининг “Келажакка йўлланма: маънавий янгиланиш” дастури ҳам тарғиб қилинди.

Икки мамлакат орасидаги муно­са­батларни ривожлантириш, умум­маданиятни шакллантирган ҳолда, адабий, маънавий қадриятларни тарғиб қилиш мақсадида VIII “Хал­қаро Рамазон” фестивали доирасида Туркиянинг бош шаҳри – Анқаранинг Кечиўрен шаҳрида Жамбил Жабаев номидаги кўчанинг, “Қозоғистон уйи”нинг очилиш маросимлари ва “Қозоғистон оқшоми” концерт дас­тури ўтди.

Давлатлараро аҳамиятга эга тад­бирда Жанубий Қозоғистон вилоя­тидан 42 делегат иштирок этди. 

Туркиядаги тадбирда анъанавий қўшиқлар, қозоқча, туркча ашулалар ижро этилди. “Қазына” рақс дастаси жозибадор рақслари, “Тумор” фоль­клор дастаси Қозоғистон миллий куй-қўшиқ­лари билан лол қолдирди.