Nur Otan партияси қошидаги Jas Otan ёшлар қаноти Туркистон вилоят филиалининг ўтюрак ёшлари коронавирусга қарши кураш ва сақланиш йўлида акция ташкил этишди. Улар Туркистон шаҳрида яшовчиларга вирусдан сақловчи ниқоблар тарқатдилар.

Уларни Туркистоннинг кўнгилли ёшлари ўз қўллари билан тиккан. Ниқобларнинг ўзгачалиги шундаки, улардан бир неча марта фойдаланиш мумкин. 

Шу билан бирга “ёшотанчи”лар фуқароларга хавфли касалликнинг олдини олиш ҳақида ахборот бериб, сақланиш йўлларини тушунтирдилар. Махсус варақалар тарқатилди. Фуқароларга бир кунда 100тача ниқоб тарқатган Jas Otan ёшлар қанотининг кўнгиллилари келгусида бундай ишларни давом эттирадилар.

Шунингдек, Туркистон вилоят «Ёшлар имконият маркази»нинг волонтёрларидан ташкил топган гуруҳ аъзоалари эса шаҳар кўчаларида, жамоат жойларида юрган одамларга 200га яқин тиббий ниқобни тарқатишди. Ёшлар вилоят миқёсидаги Болалар уйлари ва Қариялар уйлари, мактаб-интернатларга ҳам шундай қўллов кўрсатмоқчи. Улар кексалар ва ижтимоий аҳволи ночор, кўп болали оилаларга тиббий зарарсизлантирувчи суюқликлар ва муҳофаза ниқоблари, дори-дармон, озиқ-овқат етказиш ишларини йўлга қўймоқдалар. Сақланиш қоидалари бўйича тушунтириш ишларини узлуксиз давом эттириш режаланмоқда.