Азиз ҳамюртлар!

Бутун дунёни исканжага олган хавфли коронавирус пандемияси ҳар биримизни фавқулодда вазият муносабати билан муайян тартиб-қоидаларга риоя қилишга мажбурламоқда. Бу – вақтинчалик синов.

Ушбу иллатни юқтириб олмасликнинг энг тўғри йўли – кўчага чиқмаслик, УЙДА ҚОЛИШ!

Олижаноб халқимиз бор. Барчамиз сабр-қаноат, ҳамжиҳатлик, бирдамлик, саломатликни шиор қилган ҳолда шифокорларга яқиндан ёрдам беришимиз шарт ва зарур.

 Нуроний отахон ва онахонларимизни, келажагимиз – болажонларимизни эҳтиёт қилайлик. Ушбу хавфли пандемия билан курашаётган оқ халатли тиббиёт ходимлари, элимиз тинчлигини ҳимоя қилаётган осойишталик посбонлари билан бир сафда аҳолини ахборот билан таъминлаётган, хотиржамликни сақлашга, бир-биримизни эҳтиётлашга даъват қилаётган оммавий ахборот воситалари ходимлари ҳам умумхалқ ишдан четда қолмаяптилар. 

“Биз Сиз учун ишга келдик. Сиз биз учун уйда қолинг!” Биз меҳр-оқибатли халқмиз. Биз барчасини енгиб ўтамиз. Куч – бирликда! Рўзғоримизни барака, қалбимизни ҳаловат, танимизни саломатлик тарк этмасин!