Чойнинг пайдо бўлиш тарихини биласизми? 

Дунё­да чойларнинг қандай навлари мавжуд? “Ўзбек чойхўрлик расми” нима? Шу каби саволларга жавоб топишни истасангиз, шимкентлик ҳаваскор ижодкор Юсуфбек Ориповнинг “Бир пиёла чой устида” тарихий-биографик рисоласи билан танишиб чиқинг. 

Муаллиф чорак аср туризм соҳасида фаолият кўрсатиб, бой ҳаётий тажриба тўплаган. Юсуф аканинг ўзи китоб яратилиши ҳақида сўзлар экан, қадимий ёдгорликлар, обидалар тарихи, улар билан боғлиқ афсона, ривоят, ҳикоя ва воқеий ҳангомаларни сайёҳларга етказиб бериш баробарида йиғилган манбаларнинг қўл келганини эътироф этади. 

Юсуф ота “Шимкенттурист фахрийлар бошланғич уюшмаси” раиси бўлса-да, бўш вақтидан унумли фойдаланиб, ижодий ишга киришди”, деб ёзади тўпламнинг сўзбошисида “Чимкент” ижодий уюшмасининг раисаси Эркиной Султонова.

Тўпламдан, шунингдек, Шимкент шаҳрининг тарихига оид қизиқарли ҳикоялар ҳам жой олган. 

Қадрли отахоннинг универсал асбоб – санчқи-пичоқ яратиш ҳамда гравитация – ер шарининг маркази томон йўналган тортилиш кучидан фойдаланиш каби ғоялари ҳам эътиборлидир.

Рисоланинг халқимиз маънавий хазинасидан жой олиши шубҳасиздир.