Туркистон вилоятида экинзорларни кенгайтириш ишлари ўтган йил билан таққослаганда картошка, сабзавот ва полиз маҳсулотларининг экин майдони 3,2 минг гектарга ортди. Буни вилоят қишлоқ хўжалиги бошқармаси раҳбари Н. Бадирақов маълум қилди.

Унинг айтишича, бугунги кунда баҳорги дала ишлари режа бўйича бажарилиб келмоқда. 

Баҳорги дала ишларини юритишга “Аграр насия корпорацияси” ҲЖ томонидан 5,3 млрд. тенге маблағ кўзланган. Бугунги кунда 2,6 млрд. тенгега 654та лойиҳа маъқулланиб, 1 млрд. тенге билан 112 товар ишлаб чиқарувчи молиялаштирилган.

Ўтган йили минтақада меҳнат самарадорлигини ошириш мақсадида “бир майдондан йилига 2-3 марта ҳосил олиш” лойиҳаси йўлга қўйилиб, 3 млрд. тенгега 107та лойиҳа амалга оширилди. Натижада 9 млрд. тенгелик қишлоқ хўжалиги маҳсулотлари етиштирилган.

Жорий йилда Россияга 250,0 минг тонна маҳсулот сотиш режаланмоқда. Айни пайтда бир қатор вилоятларга 67 тонна карам, 444 тонна помидор, 453 тонна бодринг жўнатилган.

Бундан ташқари, жорий этилган карантин туфайли сифати тез бузиладиган маҳсулотларни постлардан тўсиқсиз ўтказиш мақсадида “Биз биргамиз! Туркистон вилояти озиқ-овқат маҳсулотлари” номли логотип ишланди. Ўз навбатида бу махсус логотипи бор машиналарни постларда тўсиқсиз ўтишга имкон яратади.