Вилоят ҳокими Ўмирзақ Шўкеев Туркистоннинг тарихий-маданий марказини қайта янгилаш доирасида “Ҳазрат Султон” қўриқхона-музейини ривожлантириш режаси бўйича амалга оширилаётган ишларни пухталаб, масъул раҳбарларга вазифалар юклади. “Ҳазрат Султон” давлат тарихий-маданий қўриқхона-музейига қарашли “Хон масжиди”, “Хон ўрдаси”, Култўбе шаҳарчаси ҳамда “Етти ота”, “Дарвоза”, “Мусалла”, “Тақия” дарвозаларини оралади.

Хожа Аҳмад Яссавий мақбарасига келган зиёратчилар аввал боғни оралаб ўтадилар. Бу ерда турли мевали ва манзарали дарахтлардан иборат ботаника боғи барпо этилади. Лойиҳа доирасида бажарилаётган ишлар билан танишган вилоят раҳбари ҳудудда албатта ўтов бўлиши зарурлигини таъкидлади. Шунингдек, мақбара ҳудудида кўчманчилар урф-одат ва анъаналарини намоён этадиган Этноовул барпо қилинади.

88,7 гектарни ташкил қиладиган мақбарани муҳофаза қилиш ҳудудида маънавий сайёҳлик маркази қурилади. Бу ерда ҳудуддаги барча тарихий жойларни томоша қилиш имконияти бўлади. Умумий майдони 100 гектар бўлган майдонни оралагач, минтақа раҳбари Тўнғич Президент боғининг қурилиши билан яқиндан танишди. 

Вилоят марказининг кўкаламзорлаштирилиши келажакда бу ернинг иқлимига ижобий таъсир кўрсатиши аниқ. Халқаро тажрибаларнинг энг яхшилари эътиборга олиниб амалга оширилаётган лойиҳа “Ҳазрат Султон” мажмуасининг имкониятларини кенгайтиради. Натижада бу ер Буюк Ипак йўли давридаги кўринишга келтирилади. Мақбарадан 700 метр масофадаги минтақанинг энг қадимги шаҳарчаси – Култўбе очиқ осмон остидаги музейга айланади.

Мавзолейнинг мемориал ва истироҳат боғи ҳудудида Абилайхан, Жўлбарисхан, Қасимхан, Жанибек, Қазибекбий ва бошқалар дафн этилган жойлар ўралиб, қисман юқорига кўтарилган. Шунингдек, мақбара ва “Етти ота” дарвозаси орасидаги тарихий кўлнинг ўйиқлари асл ҳолига келтирилиб, тарихий масжидга олиб борадиган йўл, қудуқ ва Яссавий ҳаётининг сўнгги 20 йилини ўтказган Хилватхонага олиб борадиган ўрта асрга тегишли работ ва марказий кўчалар қайта ишланмоқда.

Вилоят ҳокими муқаддас мақбара ҳудудида ўрин олган “Қошғарий” хиёбонини оралаб, Нью-Йорк зинапоясининг қурилиши билан танишди. Очиқ осмон остида тантаналар ўтказишга мўлжалланган янги ўрин Есимхан майдонида бўй кўтармоқда.