Фавқулодда ҳолат пайтида ногирон бўлган қозоғистонликларга аввал тайинланган гуруҳ учун имтиёзлар берилади

ҚР Меҳнат ва аҳолини ижтимоий муҳофаза қилиш вазирлиги фавқулодда ҳолат даврида қайта текшириш муддати 2020 йил 15 февралдан кейин келган барча фуқаролар учун ногиронлик муддатини  автоматик равишда узайтирди.

Шу билан бирга, имтиёзлар фавқулодда ҳолатнинг бутун даври мобайнида илгари ташкил этилган ногиронлик гуруҳи ва (ёки) умумий ногиронликни йўқотиш даражасига қараб тўланади. Жорий йилнинг 1 апрелидан бошлаб ойлик ҳисоб кўрсаткичи миқдори ва яшаш минимуми ошиши муносабати билан ногиронлик нафақалари қайта ҳисобланди. Энди ногиронларга бериладиган давлат ижтимоий нафақалари миқдори: I гуруҳ – 62 723 тенге, II гуруҳ – 49983 тенге, III гуруҳ – 33975 тенгени ташкил этади. 16 ёшгача бўлган ногирон болаларга – 45 736, болаликдан ногиронларга – I гуруҳ учун 62723, II гуруҳ учун 51943 тенге, III гуруҳ учун 39202 тенге тўланади

I ва II гуруҳ ногиронлари учун махсус давлат нафақаси миқдори – 4 140 тенге, III гуруҳ ногиронларига – 1778 тенге, 16 ёшгача бўлган ногирон болалар учун – 2 667 тенге. Ногирон болани парваришлаётган шахсларга бериладиган нафақа 45 736 тенге, болаликдан I гуруҳ ногирони парвариши учун 45 736 тенге.

Умуман олганда, 22,8 мингдан зиёд қозоғистонликнинг нафақаси оширилади.