Вилоят ҳокими Ўмирзақ Шўкеев Байдибек туманида бўлиб, туманнинг янги ҳокимини таништирди. 

ҚР Президенти Маъмуриятининг розилигига кўра, Байдибек тумани ҳокими лавозимига кўрсатилган Ержигит Шарипбековнинг номзодини туман маслаҳати депутатлари бир овоздан қўллашди. Ўмирзақ Естайули янги ҳокимннинг ишларига муваффақият тилаб, Давлат раҳбари тасдиқлаган дастурларни сифатли амалга ошириш кераклигини айтди. Минтақа раҳбари 4 йилдан буён туманни бошқариб, унинг ривожига ўз ҳиссасини қўшган Бақитбек Танагўзовга миннатдорчилик билдирди ва келгуси ишларида ривож тилади. 

– Байдибек туманига улкан масъулият билан ёндашаман. Бу ернинг халқи танти, меҳнаткаш. Янги ҳокимларингиз ёш бўлишига қарамай, қатор раҳбарлик лавозимларда меҳнат қилган. Янги авлод вакили, ишбилармон. Унинг давлат сиёсатини амалга ошириб, халқ эзгулиги йўлида ишлашига тилакдошман, – деди вилоят ҳокими.

Ержигит ШАРИПБЕКУЛИ 1982 йили Байдибек туманида туғилган. Олий маълумотли ҳуқуқшунос ва маҳаллий давлат бошқаруви ихтисосига эга. 

Меҳнат фаолиятини 2000 йилда Қозоғистон Республикаси Ички ишлар органларида бошлади. 2005-2013 йиллари Жанубий Қозоғистон вилояти Сайрам туманида “Сайрам сут” МЧБ ҳисобчиси, директори вазифаларида меҳнат қилди. 

2013 йилдан буён Сайрам тумани ҳокимининг ўринбосари сифатида иш юритди.