Нур-Султан шаҳрининг полиция ходимлари шифокорларнинг тўсиқсиз ҳаракатини таъминлаш учун уларнинг хусусий машиналарига махсус белги ёпиштириб беришмоқда.

– Айни пайтда тиббиёт ходимлари коронавирус инфекциясига қарши курашда олдинги қаторда келишмоқда. Одамларнинг соғлиги шифокорларнинг чақирилган жойга тез етиб келишига ҳам боғлиқ. Шу боис Нур-Султан шаҳар полиция департаменти шаҳар кўчаларида уларнинг ҳаракатини енгиллатиш учун қизил хоч туридаги “Шифокор” белгисини тарқатади, – деб маълум қилишди шаҳар полиция департаментидан.

 Ҳайдовчиларни текшириш учн шаҳарнинг бир неча нуқтасида мобил постларнинг қўйилгани маълум. Шу туфайли баъзи автомашиналар кўп ушланиб қолишяпти.

– Шундай ҳолатда шифокорлар ўз машинаси билан тўсиқсиз ўтишлари учун полиция ходимлари ушбу белгини тарқатишади. ҚР Йўл ҳаракати қоидаларида “Таниш белгилари” деган меъёр бор. Унга кўра тезкор ва махсус хизматларнинг автомашиналари, автобуслари ва мотоциклларининг Ст РК 1863-2018 миллий андазасига мувофиқ аниқ бир вазифада эканлиги аниқланади. ҚР ЙҲҚ “Таниш белгилари” бўлими талабларига кўра шифокор-ҳайдовчининг истагига кўра унинг машинаси орқасига ёки олд қисмига кўк ранг билан ажратилган оқ фондаги қизил хоч белгиси ёпиштирилади, – дейилади хабарда.