Вилоят раҳбари Ўмирзақ Шўкеев иштирокида ўтган девон мажлисида “Бандликнинг Йўл харитаси” доирасида амалга ошириладиган лойиҳалар ҳақида вилоят иш билан таъминлашни мувофиқлаштириш ҳамда ижтимоий дастурлар бошқармасининг раҳбари Асия Темирбаева ахборот берди. 

“Бандликнинг 2020-2021 йилларга мўлжалланган йўл харитаси”га мувофиқ, минтақада янги иншоотлар қад кўтариб, ижтимоий-маданий объектлар ва уй-жой коммунал хўжалик биноларида таъмирлаш ишлари ўтказилади.

Муҳандислик-транспорт инфратузилмаларини қайта таъмирдан ўтказиб, аҳоли манзилларини ободонлаштириш ҳам кўзда тутилган. Шу мақсадда Туркистон вилоятида 460та инфратузилмавий лойиҳа тасдиқланган. Улар ичида 48та иншоот Туркистон шаҳрини ривожлантиришга мўлжалланган. Кўламдор ишлар доирасида минтақада 25 мингдан зиёд вақтинча иш ўрини очилади. Лойиҳалар жадаллик билан амалга ошгач, икки мингдан зиёд доимий иш ўринлари вужудга келади. Фуқароларнинг ўртача иш ҳақи 85 минг тенгедан кам бўлмайди.

Ҳозирги кунда давлат харидининг ўзгача тартибига мувофиқ, туман, шаҳарларда инфратузилмавий лойиҳаларни амалга оширадиган пудратчиларни аниқлаш ишлари бошланди. Май ойининг биринчи ўн кунлигида инфратузилмавий лойиҳаларни бошлаш, тегишли иш ўринларига ишсизларнинг жалб қилинишини таъминлаш режалаштирилган. Энг муҳими, улар учун барча хавфсизлик чоралари кўзда тутилиб, зарарсизлантириш ишлари олиб борилаверади.