ҚР Бош вазири Асқар Маминнинг топшириғига биноан Туркистон вилоятининг Мақтаарал тумани аҳоли манзилларидаги сув тошқини оқибатларини бартараф этиш бўйича Ҳукумат комиссияси тузилди.

Бош вазир ўринбосари Роман Скляр бошчилигидаги комиссия таркибига марказий ва маҳаллий ижро ҳокимияти раҳбарлари киритилган. Комиссия етказилган зарарни баҳолаш ва сув тошқинининг оқибатларини бартараф этиш, муҳандислик, транспорт, ижтимоий инфратузилма ва уй-жойларни тиклаш, шунингдек, зарар кўрган аҳолига ижтимоий ёрдам кўрсатишни ўз зиммасига олди. Эслатиб ўтамиз, 1 май куни эрталаб кучли ёмғир ва жала оқибатида, Ўзбекистоннинг Сардоба сув омборида ўпирилиш юз берди. 

Натижада Туркистон вилоятининг Мақтаарал туманидаги чегара коллекторларига сув сиғмай қолган, бу бир неча аҳоли манзилларини сув босишига олиб келди. Шу муносабат билан Туркистон вилоятининг Мақтаарал туманида фавқулодда ҳолат эълон қилинди. Қозоғистон Президенти тошқиндан жабр кўрганларга ёрдам кўрсатишни топширди.