«Egemen Qazaqstan» газетасида Қозоғистон Президенти Қасим-Жўмарт Тўқаев билан интервью чоп этилди.

«Ҳозирда бутун дунё ривожланишнинг янги босқичига қадам қўйди. Менимча, бу пандемиядан кейин аниқроқ сезилади. Бундай пайтларда ҳар бир давлат, авваламбор, ўз фуқароларининг хавфсизлигини ўйлайди. Бу табиий ҳол. Бироқ, бундай мураккаб вазият халқаро ҳамкорликка путур етказмаслиги керак»,  деди Қасим-Жўмарт Тўқаев. 

Давлат раҳбари сўнгги ҳафталарда бир неча мамлакат ва халқаро ташкилотлар раҳбарлари билан телефон орқали мулоқот қилгани, Туркий тилли давлатлар ҳамкорлик кенгашининг видеосаммитида ва Олий Евроосиё иқтисодий кенгаши аъзоларининг ишчи учрашувида иштирок этгани ҳақида гапириб, пандемияга қарши курашда халқаро ҳамкорликни кучайтириш лозимлигини таъкидлади. «Шу муносабат билан биз ҳамкор мамлакатлар билан иш олиб бормоқдамиз. Бу эпидемияга қарши курашнинг асосий усули. Умуман олганда, ташқи сиёсатимизда изчиллик сақланиб қолади. Биз анъанавий ва янги шерикларимиз билан ўзаро манфаатли муносабатларни ривожлантиришда давом этамиз», деди ҚР Президенти.