Вилоят ҳокими Ўмирзақ Шўкеев Мақтаарал туманидаги сув остида қолган овулларнинг аҳолиси билан учрашиб, уларга давлат комиссиясининг қарорини етказди. Вақтинча очилган марказларда фуқароларнинг турмуш шароити билан танишиб, арзларини тинглади. 

Сариоғоч тумани ҳокимлигига бириктирилган Игилик қишлоғидаги ўрта мактабда жойлашган эвакуация марказида Жанатурмис қишлоғининг 200дан зиёд одами жойлашган. Барча эвакуация марказлари озиқ-овқат ва зарур буюмлар билан тўлиқ таъминланган. Уч маҳал иссиқ овқат берилади. Бу ерда тиббиёт ва полиция ходимлари куну тун хизматда. Фуқаролар барча қозоғистонликларга миннатдорчилик билдириб, оқсоқоллар оқ фотиҳа бердилар. 

Вилоят раҳбари Келес туманига бириктирилган Фирдавсий қишлоғининг аҳолиси билан ҳам учрашди. “40 йиллик” қишлоғида жойлашган ўрта мактабда 530 фуқаро вақтинча жойлашган. Сув тошқинидан жабрланган Ўргебас ва Фирдавсий қишлоқлари одамларига танлов берилди. Улар бошқа аҳоли манзилида барпо этилган янги кичик туманга кўчади. Ёки давлат томонидан уйларини аслига келтириш ёҳуд уйини ўзи қуришга ният билдирса, унга товон тўланади. Фуқаролар қарорни қишлоқ йиғилишида жадал турда ўзаро ҳал қиладиган бўлишди. 

Бундан ташқари, фуқаролар офат минтақасида олиб борилаётган қурилиш ишларига чақирилди. Қурилишда иштирок этувчи фуқароларга маош тўланади. Шунингдек, Қишлоқ хўжалиги товар ишлаб чиқарувчиларининг чиқими тўланади. Насияларни тўлаш муддати узайтирилади. Йўқолган молларнинг харажати Фавқулодда вазият бўйича штаб қошида тузилган комиссиянинг қарори билан тўланади. 

Вилоят ҳокими 5-сонли мактаб-гимназияга жойлаштирилган Женис аҳоли манзили ва сув босиш хавфи юқори Нурлижўл қишлоғининг аҳолиси билан учрашди. Марказга жавобгарлик Чордара тумани ҳокимлигига топширилган. Мақтаарал туманидаги 11та эвакуация марказига 2404 одам жойлаштирилган.