Туркистон вилояти бўйича қайта кўриб чиқилиши керак бўлган ногиронлик гувоҳномаларининг муддати марказлаштирилган база бўйича август ойигача узайтирилди. Барча имтиёзлар ва ижтимоий ҳимоя чоралари ҳам 3 ой давомида кўрсатилаверади. Ижтимоий тўловлар аввал тайинланган ногиронлик гуруҳи ва меҳнат қилиш лаёқатидан айрилиш даражаси бўйича тўланади.

Ушбу чора одамлар кўп тўпланадиган жойларда фуқароларнинг инфекция юқтириш хавфини камайтириш ҳамда карантин талабларини сақлаш мақсадида қабул қилинди. Умуман олганда, вилоятда 94 мингдан зиёд ногиронлиги бор одамлар рўйхатда туради. Барчаси давлатдан кафолатланган нафақа билан тўлиқ ҳамда вақтинча таъминланиб келади.

Таъкидлаш жоизки, ижтимоий хизмат кўрсатиш тизимини янгилаш, хизматлар сифати ва оммабоплигини ошириш мақсадида 2020 йилнинг 1 январидан бошлаб республика бўйича ижтимоий хизматлар портали босқичма-босқич жорий қилинмоқда. Бу борада, ногиронлиги бор шахслар ўзларининг шахсий эҳтиёжларига қараб, соғломлаштириш воситалари ва хизматларини ўзлари танлаш имконига эга бўлдилар. Агар истеъмолчи порталдаги қимматбаҳо товарлар ва хизматларни танласа, ўзларининг ҳам устидан қўшимча тўлов тўлаш имкони кўзда тутилган.