Вилоятда кучли жала туфайли дарёларда сув сатҳи кўтарилиб, қатор қишлоқларда сув тошқини юз бермоқда. Шу муносабат билан сув босган ҳудудларда маҳаллий даражада фавқулодда вазият эълон қилиниб, махсус штаб қурилди.

Пайшанба куни вилоят ҳокими Ў. Шўкеев Тўлебий туманидаги тошқиндан зарар кўрган ҳудудларни оралади. Аксарият жойларда тўғон бўлмагани сабабли сув каналларга оқиб ўтмоқда ва унинг  сатҳи кўтарилиб  дарёбўйи аҳоли манзиллари ва дала майдонларига тошмоқда. 13 май куни юз берган табиий офат туфайли 6 аҳоли манзилидаги 260 уйнинг ҳовлисига  тошқин сув кирган. Аҳоли хавфсиз жойга кўчирилди. 27 уйнинг қулаш хавфи бор. Таҳликали вазият мутахассислар томонидан  назоратга олинди. 

– 40 дақиқа ичида 1 ойлик ёмғир ёғди. Бу сўнгги йилларда юз берган биринчи табиий ҳодисадир. Хавфсиз жойга кўчганингиз  дуруст бўлди. Уйларингизни полиция ходимлари ҳимоя қилишади. Ташвишланишнинг ҳожати йўқ. Пахса  деворли уйларнинг қулаш хавфи юқори. Бу эса сизларнинг ҳаётингиз учун хавфли. Барча туманлар ёрдамга келмоқда, тошқин оқибатлари тез кунларда бартараф этилади,  – деди Ўмирзақ Естайули  тўлебийликлар билан учрашувда.