Жанубий Қозоғистон вилоятида керамогранит ишлаб чиқариш билан шуғулланадиган “Зерде-Керамика” корхонаси маҳсулотини бирмунча кўпайтирмоқчи.

Яъни, корхона иккинчи навбатни йил сўнггига қадар ишга тушириб, маҳсулот миқдорини 2 миллиондан 4,5 млн. квадрат метрга етказмоқчи. Заводнинг сифатли маҳсулотига талаб кундан кунга ортмоқда. Шунингдек, корхона маҳсулот турларини кўпайтиришни ҳам режаламоқда.

Айтганча, бугунги кунгача Қозоғистонда керамогранит ишлаб чиқарадиган бундай заводнинг ўзи йўқ. Бу ерда экспорт улуши 30 фоиз бўлса, қолган 70 фоиз элимизнинг ўзга вилоятларига жўнатилмоқда. Шунингдек, бу ердаги хом­ашёнинг 60 фоизи маҳаллий бўлса, 40 фоизи хориждан келтирилади. Корхонадаги ишлар бутунлай автоматлаштирилган. Бу ерга ўрнатилган Италия ускунаси хомашёни аралаштириб, тайёр маҳсулотни қадоқлашгача бўлган ҳамма ишларни бажаради. Техниканинг ишини 140 одам назорат қилиб туради.

Корхонанинг маҳсулоти сертификатланган. Яъни СТ-КZ сертификатига мувофиқ, Европанинг барча талабларига жавоб беради. Маҳаллий маҳсулот истеъмолчиларнинг ишончини қозониб улгурди.