Техноген офат оқибатларини бартараф этиш, тилсиз ёв билан кураш – Мақтаарал туманида ишлаётган ҳарбийларнинг кундаликдаги ишига айланди.

28237-ҳарбий қисмнинг механизациялашган тезкор отряд жангчилари 10 май куни Женис қишлоғида “Мерседес” автомашинасидан ўт чиққанини кўриб қолишди. Воқеа рўй берган жойга зудлик билан етиб борган йигитлар машинадаги оловни ўчириб, ҳайдовчининг ҳаётини сақлаб қолишди. Ҳарбийларнинг саъй-ҳаракатлари туфайли машина соҳиби зарар кўрмади. Бу мард йигитлар – майор Бауржан Жумабеков ва оддий аскар Нури Бағландир.

Шимкент шаҳридаги 6506-ҳарбий қисмидан келган отряд эса эрта тонгда Мирзакент қишлоғидаги уйлардан бирида газ баллони портлаганини кўриб қолди. Соқчилик хизматини бажараётган йигитлар дарҳол ёнғин бошланган уйга кириб, эшикларни очишди, уй эгалари ва қўни-қўшниларга хабар беришди. Навбатчи катта лейтенант Серик Қудайбергенов ёнғин чиққан уйга участка полициячисини, ўт ўчирувчилар жамоасини зудлик билан чақиришга муваффақ бўлди. Тезкор ҳаракатлар туфайли олов ўчирилиб, одамлар хавфсиз жойга кўчирилди.   

Фавқулодда вазият эълон қилинган ҳудудда ишлаётган аскарларга омад ёр бўлсин, тан-жонлари соғ, бошлари омон бўлсин!