Туркистон шаҳрида жадал суръатда олиб борилаётган уй-жой қурилишини оралаб чиққан минтақа раҳбари Ўмирзақ Шўкеев илғор бинокорларни рағбатлантириш лозимлигини айтди.

Вилоят ҳокими фуқароларга қулай шароитлар яратиб, малакали қурувчиларни астойдил ишлашга рағбатлантиришни топширди, тайёр квартираларнинг сифатини текшириб, иш жадвалидан қолиб кетган компания етакчиларини танқид остига олди.

Малакали қурувчиларни қўллаб-қувватлаш ҳақидаги вилоят ҳокимининг ташаббусини тўлиқ қўллаб-қувватлаган масъул соҳа раҳбарлари берилган топшириқларни самарали бажаришга ҳаракат қилмоқдалар. Ҳозирги кунда Туркистон шаҳрида 24та  иншоот қад кўтармоқда. Режага кўра, бошпаналар туркистонликларга йил охиригача топширилади.

Шаҳарнинг маъмурий-тадбиркорлик маркази ҳудудида 7 қаватли 14та  ва 12 қаватли 29та уй, Ғарбий Хитой – Ғарбий  Европа йўли бўйида 7 қаватли 10та уй қурилиши олиб борилмоқда.

Вилоят раҳбари шаҳар марказидаги якунланиш арафасида турган истироҳат боғидаги кўкаламзорлаштириш ишларини назорат қилиб, очиқ бассейнда бўлди. Бу ноёб иншоот июнь ойида фойдаланишга берилади.