ҚР Бош вазири Асқар Мамин Туркистон вилоятига иш сафари доирасида Мақтаарал туманидаги тиклаш ишлари ҳамда Туркистон шаҳридаги инфратузилма қурилишини текширди.

Мақтаарал туманида Ҳукумат раҳбари аҳоли билан учрашувлар ўтказиб, Нурли жўл ва Ўргебас қишлоқларида зарар кўрган уйларни тузатиш ишлари, шунингдек, Мирзакент қишлоқ округида сув тошқинидан зарарланган Женис, Жанатурмис, Дўстиқ аҳоли манзилларидан келадиган 500 оилага мўлжалланган кичик туман қурилиши билан танишди.

Туркистон шаҳрида Асқар Мамин ёмғирлатиб суғориш технологиясини татбиқ этиш орқали қишлоқ хўжалигидаги ирригация тармоғини янгилаш ва аҳолини тоза ичимли сув билан таъминлаш ишларини кўздан кечирди.

Ҳукумат раҳбари Туркистон шаҳридаги етакчи қишлоқ хўжалиги товарлари етиштирувчиларининг экин майдонлари, моддий-техника базаси ва маҳсулотларини кўриб, маҳаллий фермерлар билан учрашувда минтақада агросаноат бизнесини янада ривожлантириш режасини муҳокама қилди.

Бош вазир, шунингдек, Туркистон шаҳридаги транспорт, маъмурий, ижтимоий-маданий ва сайёҳлик биноларининг қурилиш жараёнини текширди.