Таниқли меценат Бўлат Назарбаевнинг “Салықалы ұрпақ” жамғармаси Мақтаарал туманида сув тошқинидан зарар кўрган аҳоли учун Мирзакентдаги янги кичик туманда 20та уй қурилишини бошлаб юборди. 

Жамғарманинг расмий вакили Нурлан Байимбетовнинг айтишича, 20та уй қурилиши, жорий йил июль ойида тўлиқ якунланиб, фуқароларга калитлар топширилади.

– Мирзакентда бизнинг жамғарма кўмагида қурилаётган уйларни маҳаллий “Нұр ел” ҳамда “Тіней құрылыс” компаниялари олиб бормоқда. Ҳозирги кунда ерни қазиш, қурилишга тайёргарлик ишлари кетяпти. Тез кунда пойдевори  қаланиб, уйларни июль ойида топширамиз, – деди у.

Бундан ташқари, жамғарма номидан Мақтаарал туманидаги ҳамюртларларга  ёрдам сифатида  20 тонна озиқ-овқат келтирилган. Шунингдек, “Салықалы ұрпақ” жамғармаси сувдан азият чеккан кам таъминланган 100 оилага 100 минг тенгедан пул улашмоқчи. Болаларга бозорлик сифатида кўп болали ҳамда кам таъминланган оилалардан  20 нафар ўқувчи  Алмати вилоятида ёзги лагерларда дам олишини таъминлаш режалаштирилган.