Қозоғистон Президенти ривожланаётган мамлакатларнинг ортиб бораётган ташқи қарзлари муаммоларини ҳал қилишда халқаро саъй-ҳаракатларни бирлаштиришга чақирди.

Қозоғистон Президенти Қасим-Жўмарт Тўқаев БМТ Бош котиби Антониу Гутерреш, Канада ва Ямайка Бош вазирлари Жастин Трюдо ва Эндрю Холлнесс ташаббуси билан «Covid-19 даври ва ундан кейинги даврда тараққиётни молиялаштириш» олий даражадаги тадбирида иштирок этди.

Ушбу тадбир онлайн шаклда ўтди ва коронавирус пандемияси оқибатларини юмшатиш ва инқироздан кейинги тикланиш борасида халқаро саъй-ҳаракатларни бирлаштиришга бағишланди. Анжуманда Германия, Франция, ЖАР, Япония, Италия, Буюк Британия, Покистон, Қирғизистон, Беларусь, Саудия Арабистони ва бошқа давлатлар раҳбарлари, Халқаро валюта жамғармаси, ИҲРТ, Жаҳон банки, шунингдек, қатор халқаро молия институтларининг етакчилари иштирок этдилар.

Қасим-Жўмарт Тўқаев денгизга чиқиш имкониятига эга бўлмаган ривожланаётган давлатлар гуруҳининг раиси сифатида сўзга чиқди.

– Пандемия барча давлатлар тараққиётига таҳдид солмоқда, ҳолбуки, ушбу денгизга чиқолмайдиган давлатларнинг ташқи молиялаштириш, савдо ва сармояларнинг қисқаришига кўпи жудаям салмоқли бўлди,– деди Қозоғистон Президенти ўз нутқида.

Қозоғистон раҳбари ривожланаётган мамлакатларнинг ўсиб бораётган ташқи қарзлари, «рақамли тенгсизлик», тоза ичимли суви, яшил ва замонавий агротехнологиялар ҳаммабоплиги муаммоларини ҳал қилиш учун халқаро кучларни бирлаштиришга чақирди.

Шунингдек, у Миллий даражада Қозоғистоннинг “БМТнинг гуманитар ёрдам бўйича глобал режаси”ни амалга оширишга қўшган ҳиссаси ва бир қатор хорижий давлатларга коронавирусга қарши курашдаги ёрдамини таъкидлади. Давлатимиз раҳбари мамлакатимизнинг жаҳон озиқ-овқат хавфсизлигини мустаҳкамлаш, халқаро тўқнашувлар ва тинчлик ўрнатиш ишларига содиқлигини яна бир карра таъкидлади.