Туби бир туркий халқлар учун ер юзидаги саккизинчи мўъжиза бўлган Хожа Аҳмад Яссавий мақбараси – ўрта аср меъморчилик санъатининг дурдонасидир. Айни пайтда Туркистон тўридаги ноёб тарихий ёдгорликнинг атрофи ободонлаштирилиб, у яшилликка бурканмоқда. Вилоят раҳбари Ўмирзақ Шўкеев мақбара атрофига энг қимматбаҳо дарахт кўчатларини ўқазишни топширди.

Бу ердаги барча ишлар махсус мутахассислар назоратида. Бундан бир йил бурун Боку шаҳрида Туркистон вилояти делегацияси ЮНЕСКОнинг жаҳон миқёсидаги мерос қўмитасининг 43-сессиясида муҳим битимларга эришилди. Унда Яссавий мақбараси ҳудудидаги қурилиш объектларининг жаҳон меросига таъсирини баҳолаш масалалари ҳам кўрилган эди. Худди ўша йиғилишда мақбаранинг атрофини ободонлаштириш ҳақида қарор қабулланди.

Вилоят ҳокими драма театри қурилиш майдонини оралаб кўрди. 4 қаватдан иборат бинонинг умумий майдони 9700 квадрат метрни ташкил қилади. Барча талабларга мувофиқ, замонавий намунада қурилаётган маданият ўчоғида 510 одамга мўлжалланган томошабинлар зали жойлашган. Ақтўбе вилоятининг Туркистонга туҳфаси сифатида қурилаётган театр биноси кузда битиши режаланмоқда.