Жанатурмис, Женис, Фирдавсий, Дўстиқ, Ўргебас аҳоли манзилларидан 6314 кишининг Ҳукумат томонидан бериладиган 100 минг тенгелик тўлов пулига оид қ аризаси қабул қилинди. Шундан 6020таси миграция полицияси маълумотларига таянган ҳолда маблағ ўтказиш учун тасдиқлашга тавсия қилинган. 

Буни ҚХА котибияти мудири, Мақтаарал туманидаги вилоят штабининг ижтимоий масалалар бўйича етакчиси Ғани Рисбеков маълум қилди.

Шунингдек, у тадбиркор А. Усмоновнинг жамғармасидан ажратилган маблағ ҳам 5202та оилага 1000 АҚШ долларидан берилаётганини етказди. Бугунги кунда 13та қишлоқдан 5342та ҳужжат қабул қилиниб, уларга мониторинг ишлари юритилган.

Натижада уларнинг 4839 таси расмийлаштирилган.

– Бугунги кунгача 3та транш билан 3375та оилага ажратилган 1000 АҚШ доллар товон пули ўтказилди. Қолган оилаларга ҳам маблағ етказиш ишлари юритилмоқда. У, асосан, фавқулодда вазият жорий этилган аҳоли манзилларидаги фуқароларга тегишли. Уларнинг орасида ижарада турган кишилар ҳам бор. Ушбу масалаларни кўриб чиқиб, тегишли қарор қабул қилиш мақсадида туманда махсус комиссия ташкил этилиб, иш олиб бормоқда. Натижада 1438та ҳужжат қайта кўрилиб, 1319таси тасдиқланди. Келгуси ҳафтада бу ишлар тўлиқ якунланиши шарт. Шу мақсадда Жанажўл қишлоқ округига қўшимча 4 нафар малакали мутахассис юборилди, – деди Ғ. Қурмашули.