Туркистон шаҳрида “WorldSkills TURKESTAN – 2020” вилоят чемпионати ўтмоқда. Унинг очилиш маросимида вилоят ҳокимининг ўринбосари С. Қалқаманов қатнашиб, иштирокчиларга омад тилади.

Ўтган йили Нур-Султан шаҳрида ўтган ушбу танловнинг республика босқичида вилоятимиздан 33 талаба қатнашди ва 4та олтин, 2та кумуш, 2та бронза, 9та медальон енгиб олишди. Бу сафар ҳам омад кулиб боқишига ишончимиз комил, – деди у.

Танловнинг бу йилги ўзига хос хусусияти шундаки, Туркистондаги аҳамиятга молик қурилиш соҳасига алоҳида эътибор қаратилмоқда.

Тадбир давомида  коллежлар талабалари ўртасида “қурилиш” мутахассислиги бўйича  беллашув ўтди. Унда 35 талаба соҳага оид ихтисосликлар бўйича билимларини намойиш этишди.

Чемпионат ғолиблари 18 июнь куни аниқланади. Ва уларга миллий чемпионатга йўлланма ҳамда эсдалик совғалари берилади.   

Ушбу танлов ҳар йили жаҳондаги 82та мамлакатда ўтказиб туриладиган халқаро ҳаракат. Минтақамиз унда 2015 йилдан бошлаб қатнашиб келади. Республика чемпионатида ғолиб бўлганларга яқин келажакда Австрия мамлакатининг Грац шаҳрида ўтадиган “EuroSkills 2020” ва  Бирлашган Араб Амирликларининг пойтахти Абу Даби шаҳрида ўтадиган “AziaSkills 2020” чемпионатида қатнашиш имкони берилади.