Қозоғистон биринчи навбатда, ўз миллий манфаатларини ҳимоя қилиши керак. Буни Қозоғистон Президенти Қасим-Жўмарт Тўқаев «Ана тілі» нашрига берган мусоҳабасида гапириб берди.

– Дунё ҳақиқатдан ҳам ўзгарди. Кўриниб турибдики, пандемия глобаллашув жараёнини кечиктирди. Давлатлар «ҳар ким ўз кунини кўрсин», деган тамойил билан яккаланишга урғу бера бошлади. Халқаро муносабатларда миллатчиликнинг тобора ортиб бораётган тенденцияси кузатилмоқда. Мен буни 2008 йил бошида башорат қилган эдим. Аммо ўша пайтда менинг фикримни сиёсатчилар ва олимлар қўллаб-қувватламаган. Ҳатто коронавирус вакциналарини ишлаб чиқиш ҳам халқаро ҳамкорликдан ташқарида «ҳар ким ўзи учун» тамойили асосида амалга оширилди. БМТ ўз номига лойиқ ягона халқаро ташкилот сифатида пандемия даврида унчалик фаол бўлгани йўқ,– деди Давлат раҳбари.

– Кўп векторли, мувозанатли ташқи сиёсатда Тўнғич Президент Нурсултан Назарбаев Россия билан стратегик шериклик, ҳамкорлик ва минтақавий интеграцияни кучайтириш зарурлигини таъкидлади. Бу тўғри танлов эди. Бироқ, дунёда вазият бир хил эмас, йирик давлатларнинг геосиёсий мақсадлари ўзгармоқда. Бундай ҳолатда, Қозоғистон биринчи навбатда ўз миллий манфаатларини ҳимоя қилиши керак. Шу сабабли, жорий йил 19 май куни Евроосиё иқтисодий иттифоқининг саммитида мен интеграцияни, агар у Қозоғистоннинг суверенитетига путур етказмаса, қўллаб-қувватлаймиз, деб очиқчасига айтдим, – деди Президент.